Ish-portieri dhe drejtuesi aktual i Bayern Munich, Oliver Kahn, ka komentuar për kanalet zyrtare të klubit bavarez shortin e çerekfinaleve të Champions League.
Skuadra e Flick do të përballet me PSG-në: “Natyrisht, mendja shkon menjëherë në finalen e Lisbonës”, ka thënë Kahn duke cituar finalen e edicionit të kaluar të Champions League.
“PSG synon ta fitojë patjetër kupën, kështu që detyra jonë do të jetë shumë e vështirë. Të gjithë e njohin forcën sulmuese, me lojtarë si Neymar dhe Mbappe që mund të vendosin një ndeshje në çdo moment”.
“Me Pochettino-n në drejtim të skuadrës janë bërë akoma më të fortë, duke parë se i kanë besuar një lojtari që i kushton shumë vëmendje fazës mbrojtëse”.
“Megjithatë, ne kemi treguar se jemi më të mirët dhe nuk do ta kenë të lehtë të na mundin”.
