Vllaznia rikthehet te fitorja në kampionat, teksa ka mposhtur minimalisht ditën e sotme Kastriotin, falë një goli të Ardit Hoxhajt në minutën e 92’.
Shkodranët vuajtën shumë gjatë gjithë ndeshjes, ku skuadra e Ndreut kishte disa raste për shënim, por nuk ia doli ta dërgojë topin në fundin e rrjetës. Atë që nuk bënë krutanët, e bënë shkodranët. Ishte Ardit Hoxhaj, ik cili pas një krosimi nga Arsid Kruja nga goditja e këndit, i gjendur bosh në zonë, gjuan me kokë dhe mposht portierin Hidi. Pas golit Vllaznia u vendos mirë në prapavijë dhe ia doli të ruajë avantazhin në minutat e fundit. Me këtë fitore shkodranët marrin vendin e parë me 45 pikë, pas humbjes së Laçit ndaj Tiranës.
