Tirana ka triumfuar ndaj Laçit me rezultatin 1-2, në përballjen e vlefshme për javën e 25-të të Kategorisë Superiore. Një fitore e artë për skuadrën e Orges Shehit, që e sheh veten në vendin e 5-të me 38 pikë.
Ndërkohë në krahun tjetër, kurbinasit e Shpëtim Duros, kanë humbur kryesimin pas disfatës së sotme, teksa në vend të parë është rikthyer Vllaznia.
Për sa i përket takimit, vlen të theksohet se 2 golat e bardhebluve u shënuan nga Çelhaka dhe Ismailgeci, të dy këta produkte të akademisë së Tiranës, ndërkohë që për Laçin, golin e vetëm e shënoi Mazrekaj nga kornia.
