Roland de Boer, në një intervistë të dhënë për Teleradioestero, ka folur në lidhje me përballjen mes Ajax-it dhe Roma-s në çerekfinalet e Europa League.
– Kush ka më shumë shanse të kualifikohet?
“Besoj se do të jetë e vështirë për të dyja skuadrat. Ajax dhe Roma janë dy formacione shumë interesante. Ajax është rritur shumë në Europë gjatë këtyre viteve, por Roma, edhe pse nuk është e para në Itali, është një skuadër shumë e fortë. Fakti që lojtarët e ten Hag e kanë hipotekuar titullin mund të jetë një avantazh i vogël në përballjen e dyfishtë”.
– Ajax-i po luan shumë mirë në Eredivisie, por cilat janë pikat e tyre të dobëta?
“Ndoshta fakti që Eredivisie nuk është një kampionat i nivelit të lartë mund të jetë një gjë e keqe për Ajax-in, që mbetet një skuadër e fortë. Një tjetër pikë e dobët besoj se është mungesa e alternativave në sulm. Është vetëm Tadic, që nuk është as një sulmues i parë. Për pjesën tjetër, skuadra e Ten Hag ka lojtarë cilësorë, nga Gravenberch tek Idrissi, që s’ka pak që ka ardhur”.