Kategoria Superiore, mbylli ditën e djeshme javën e 25-të, me skuadrat që tani do të kenë disa ditë pushim.
Deri më 31 mars, do të luhen ndeshjet e kombëtareve, te vlefshme për eliminatoret e Botërorit.
Në këtë situatë, Superiorja do të rikthehet në fushë më 3 prill për javën e 26-të. Padyshim në këtë javë, spikasin sfidat Vllaznia-Partizani dhe Teuta-Laçi. Dy përballje mes 4 pretendentëve kryesorë për titullin.
Gjithashtu me interes është edhe sfida mes Kukësit dhe Skënderbeut, me të dyja skuadrat që e kanë detyrim fitoren.
