Neymar Junior shpesh është bërë lajm vitin e fundit sepse është përfolur për një largim nga PSG dhe për një rikthim te Barcelona. Spekulimet më të forta ishin gjatë verës së vitit të shkuar, por në fund braziliani vendosi qëndrimin në Paris.
Edhe këtë sezon nuk kanë munguar spekulimet dhe në lidhje me këtë gjë, eksperti i merkatos Fabrizio Romano ka zbuluar një lajm. Sipas italianit, Neymar pritet që shumë shpejt të rinovojë kontratën e tij me PSG.
Pra, e ardhmja e yllit brazilian do të mbetet PSG. Kontrata e re e Neymar do të jetë e vlefshme deri në qershorin e vitit 2026. Gjithashtu, sulmuesi do të përfitojë edhe një bonus shumë të majmë në rast se PSG arrin të fitojë Champions League në vitet e ardhshëm.