Një gol i shënuar në minutat e fundit nga Malinovski i ka dhënë Atalantës për herë të parë pas 20 vitesh një fitore ndaj Juventusit në Serinë A dhe ka bërë që bergamaskët të kapërcejnë bardhezinjtë në renditje në garën e ndezur për Ligën e Kampioneve.
Një përformancë mjaft të mirë në këtë sfidë bëri edhe mbrojtësi i Kombëtares, Berat Gjimshiti, i cili ishte i pakalueshëm në repartin difensiv.
Pas triumfit ndaj bardhezinjve, Gjimshiti ka shpërndarë në rrjetin social “Instagram” një foto nga festa e golit, teksa shkruan: “Një foto që vlen më sa për një mijë fjalë. Fitore e madhe”.
Skuadra e Gasperinit konfirmohet kështu si një superfuqi në kampionatin italian, ndërsa bardhezinjtë nuk duken aspak si kampionët e 9 edicioneve radhazi.
