Trajneri i Barcelonës Ronald Kuman e pranoi se fitorja ndaj Vijarealit është një hap drejt titullit kampion.
“Sigurisht që është një fitore e madhe. Çdo fitore është një hap drejt triumfit. Reaguam mjaft mirë pas golit të pësuar, krijuam raste dhe e përmbysëm. Sigurisht që në fund u lodhëm, por e mbrojtëm mirë këtë fitore. Ndonjëherë na duhet edhe të vuajmë. Rivalët gjithashtu luajnë futboll dhe ta bëjnë të vështirë.
Ne nuk ishim nervozë pas golit të pësuar dhe kjo ishte pozitive. Grizman? Gjithmonë e kam mbështetur dhe e kam vlerësuar. Puna e tij është e madhe. Po përmirësohet në saktësinë përpara portës kundërshtare.
Ishte i rëndësishëm për të përmbysur këtë ndeshje. Besojmë që mund të fitojmë titullin dhe të bëjmë dopietë trofesh”, tha Kuman.
