Superliga Europiane mori fund ende pa lindur, ku pjesa më e madhe e klubeve kanë njoftuar zyrtarisht se kanë dalë jashtë projektit. Sidoqoftë, gjërat duket se nuk do të jenë aq të lehta.
Gazeta spanjolle “Vozpopuli”, ka shkruar ditën e sotme se klubet që do të largohen nga Superliga do të duhet të paguajnë një gjobë për prishjen e kontratës. 12 klubet që themeluan Superligën Europiane kanë firmosur një kontratë dhe sipas gazetës spanjolle, prishja e kësaj kontrate ka një gjobë prej 300 milionë eurosh.
Një lajm vërtet i bujshëm ky, pasi do t’i jepte një goditje akoma më të rëndë klubeve si Tottenham, Manchester United apo dhe Inter, që kanë shumë borxhe. Tani mbetet për t’u parë lëvizja e radhës e Florentino Perez, që është edhe presidenti i Superligës Europiane.
