Lacio mori një fitore shumë të vuajtur ditën e sotme ndaj Specias, teksa kur ndeshje po shkonte drejt përfundimit dhe ishte gozhduar në shifrat 1-1, Kaisedo ia doli të shënojë nga pika e bardhë e penalltisë, për t’i dhënë fitoren skuadrës së Inzagit.
Megjithatë përveç fitores së Lacios, ajo që ka tërhequr vëmendjen e të gjithëve, ka qenë goli i shënuar nga Sopecia, me anë të Verde. Ky i fundit pasi merr një krosim perfekt nga Giasi, kthehet dhe gjuan me roveshatë, për ta ndalur topin në fundin e rrjetës, duke mos i lënë asnjë mundësi portierit Reina. Ky i fundit u hodh, duke parë se topi ishte në krahun e tij, por nuk ia doli ta ndalë dot topin.
Kujtojmë se në këtë ndeshje, për Lacion në stol ishte portieri shqiptar, Thomas Strakosha, i cili këtë sezon po has vështirësi të mëdha, pasi trajneri Inzagi preferon Reinën para tij titullar.