Surpriza në kampionatin francez të futbollit. Skuadra e Lilës ia doli të triumfojë minimalisht 0-1 në kryendeshjen e javës ndaj PSG-së dhe u shkëput e vetme në krye me 66 pikë të grumbulluara, 3 pikë më shumë se kampionët në fuqi.
Një gol i kanadezit Jonathan Dejvid në minutën e 20-të vendosi fatin e përballjes në “Parc des Princes”.Në këtë përballje u rikthye nga dëmtimi edhe Nejmar, që luajti me fanellën e PSG-së pas thuajse dy muajsh, por nuk e përfundoi takimin, pasi u ndëshkua me karton të kuq në minutën e 89-të dhe la të tijtë me 10 lojtarë.
Brazilianin e tradhtuan nervat në funditn e ndeshjes, teksa shtyu kundërshtarin, duke u ndëshkuar me kartonin e dytë të verdhë.
Nejmar nuk ishte futbollisti i vetëm i ndëshkuar me karton të kuq, pasi në të njëjtën minutë me barazilianin u përjashtua dhe futbollisti i Lilës, Djalo.
