Sulmuesi serb, Fejsal Muliç, i cili aktivizohet në Korenë e Jugut, ka tërhequr vëmendjen e të gjithëve me veprimin e tij.
26-vjeçari shënoi dopietë golash me skuadrën e Seongnam, ndaj Guangju, por u ndëshkua me karton të kuq, direkt pas shënimit të golit të dytë.
Arsyeja? Lojtari ishte ndëshkuar me karton të verdhë në pjesën e parë, ndërsa pas shënimit të golit të dytë në minutën e 55, Muliç hedh menjëherë fanellën për të festuar, duke harruar se e kishte një të verdhë.
Pas kësaj gjyqtari e ndëshkon me kartonin e dytë të verdhë, duke e larguar me të kuq. Sulmuesi serb e kupton menjëherë gabimin dhe largohet pa protestuar, duke kërkuar falje te tifozët.
