Real Madridin pasi mundi në finalen e Kievit Liverpoolin siguroi trofeun e 13-të të Ligës së Kampioneve. Madrilenët janë krenarë për suksesin e tyre dhe duan të ekspozojnë trofetë e tyre në muzeun e tretë më të vizituar në Madrid pas Reina Sofjes dhe Prados.
Megjithatë, ka disa probleme me hapësirën. Pas fitimit të “Decimas” në Lisbonë, zyrtarët e klubit donin që dhjetë kupat evropiane të shkëlqenin në hapësirën e tyre unike, por shkalla e suksesit nën drejtimin e e Zinedine Zidane ka bërë që vitrina e krijuar në vitin 2014 të jetë tani shumë e vogël.
Dy vite më vonë, seksioni i Ligës së Kampioneve në muze duhej të zgjerohej pak më shumë, sepse trofeu i 12-ta erdhi pas suksesit të Madridit në Cardiff, por vendi i tij tashmë ishte rezervuar pranë kurorave të tjera evropiane, shkruan Marca. Paraprakisht, për Kupën e 11 kishte hapësirë.
Problemi ka ardhur pas fitores kundër Liverpoolit , pasi për trofeun e 13-të evropian nuk ka vend në muzeun e klubit. Megjithatë, Los Blancos tashmë kanë ndërmarrë veprime dhe brenda javës pritet që titulli i tyre i ri të ekspozohet për vizituesit e muzeut.
Përgatiti:AlpeNews.al
