Manchester City ka mundur 2-1 Aston Villa-n dhe ka hedhur një hap tjetër drejt titullit.
Ndeshja në Villa Park ka nisur me një gol të shpejtë të vendasve, të shënuar pas 20 sekondash me McGinn.
Kundërpërgjigja e Qytetarëve ka ardhur në minutën e 22-të me Foden dhe kanë përmbysur gjithçka në të 40-ën me Rodri-n.
Katër minuta më mbrapa, miqtë kanë mbetur me dhjetë lojtarë pas një kartoni të kuq direkt të marrë nga John Stones për një ndërhyrje të rrezikshme.
Ky ka qenë kartoni i kuq i parë në karrierë në Premier League për mbrojtësin e Manchester City-t.
Rezultati ka mbetur i pandryshuar në pjesën e dytë, por është vënë barazia numerike në fushë pas dy kartonëve të verdhë të marrë në harkun e tri minutave.
