Manchester United, pas hetimeve të zhvilluara mbi fyerjet raciste ndaj Son pas ndeshjes së javës së 31-të të Premier League kundër Tottenham, ka marrë një vendim të fortë dhe befasues.
Futbollisti nga Koreja e Jugut është sulmuar në rrjetet sociale për shkak të golit që iu anuluar Djajve nga VAR për një faull të pësuar nga ylli i Tottenham.
United ka zhvilluar një hetim pas ndeshjes për të kuptuar se kush i kishte shkruar komentet raciste në rrjetet sociale, duke gjetur përgjegjësit.
Klubi ka publikuar edhe një komunikatë pasi ka lajmëruar se gjashtë tifozëve të skuadrës u është mohuar hyrja në Old Trafford. Gjithashtu, United ka publikuar edhe një listë fyerjesh raciste që postohen në rrjetet sociale.
