Futbollisti i Skënderbeut, Elvi Berisha ka bërë një gafë të madhe ndaj Teutës, teksa pasi ka shënuar gol, është ndëshkuar me karton të kuq nga Ene Jorgji.
Futbollisti fierak, ishte ndëshkuar fillimisht me kartonin e verdhë në minutën e 12 pas një përplasje me Albani Aleksin në mesfushë.
Megjithatë pas shënimit të golit në minutën e 44-t, Berisha feston duke hequr fanellën dhe ndëshkohet me të verdhin e dytë. Menjëherë pas kësaj, lojtari e kuptoi gabimin, por ishte vonë, pasi ishte i detyruar të largohej nga fusha e lojës, duke lënë ekipin me 10 lojtarë.
