Ylli i Romës, Nikolo Zaniolo ka konfirmuar se do të mungojë në Europianin e kësaj verë, teksa shprehet se tashmë dëshiron të jetë gati për Botërorin një vit më vonë me Italinë.
Zaniolo ka udhëtuar drejt Austrisë ku është konsultuar me doktorin e tij, Kristian Fink, i cili e ka këshilluar të mos rikthehet deri në maj në fushën e lojës, pasi gjuri i tij i dëmtuar nuk ka shkuar në nivelin 100% sa gjuri tjetër.
Procesi i shërimit të mesfushorit italian, u pengua dhe nga infektimi me Covid-19 e cila nuk e la 22 vjeçarin të rikuperohej plotësisht.
Në një intervistë të dhënë së fundmi për “La Gazzetta dello Sport”, Zaniolo u shpreh: “Jam shumë i zhgënjyer për këtë që ka ndodhur, por synimi im tashmë është që të jem gatoi për vitin tjetër në Botëror.”
