Ndryshon axhenda e javës së 27-të të Kategorisë Superiore. Së fundmi, sektori i garave pranë Federatës Shqiptare të Futbollit, ka vendosur që 4 sfida të zhvillohen ditën e shtunë, ndërkohë që përballja mes Partizanit dhe Bylisit, do të mbyllë siparin e javës së 27-të, ditën e diel në orën 16:00, ky takim do të zhvillohet në “Elbasan Arena”.
Për sa i përket të shtunës, në orën 13:00, janë planifikuar të zhvillohen përballjet Kastrioti-Kukësi dhe Skënderbeu-Tirana, teksa në orën 16:00, në fushë do të zbresin Laçi-Vllaznia dhe Apolonia-Teuta. Takime këto tepër të rëndësishme për sa i përket objektivave të skuadrave.
Kategoria Superiore – Java 27 (10-11 prill)
Të shtunën
Kastrioti-Kukësi 13:00 (në Kamzë)
Skënderbeu-Tirana 13:00
Laçi-Vllaznia 16:00
Apolonia-Teuta 16:00
Të dielën
Partizani-Bylisi 16:00 (në Elbasan)
