Superliga ka dështuar para se të fillonte, por presidenti i UEFA-s, Aleksander Ceferin, nuk ka ndërmend të falë dhe ka shumë mundësi që të ketë pasoja.
Numri një i UEFA-s ka shprehur dëshirën për të shkuar përpara dhe për të vazhduar me zhvillimin. Por mund të jetë një zhvillim që mund të mos përfshijë Juventus-in dhe Real Madrid për të paktën një sezon.
Sipas Gazzetta dello Sport, ekziston një frymë për të mos falur dy klubet që kanë çuar përpara projektin.
Kjo është arsyeja pse disa kërkojnë një ndëshkim shembullor për bardhezinjtë dhe madrilenët, që do të përkthehej në një vit pa Champions League.
Prestigjiozja italiane, gjithsesi, ka shtuar se është e vështirë që kjo të ndodhë, por ka disa që shtyjnë për këtë zgjidhje. Komiteti Ekzekutivi i UEFA-s do të fiksojë këtë të premte vendet e Europianit dhe më pas do të flasë për Superligën, në mënyrë që e gjithë kjo të mos përsëritet më.
