Mesfushori Marco Verratti bëri debutimin e tij në këtë Kampionat Europian pasi një dëmtim i la ajshtë fushave për dy ndeshjet e para.
Me prezencën e Verratit në fushë, loja e Italisë ndryshoj shumë pasi topi qarkulloi më tepër dhe aksionet vertikale ishin më të shpeshta. Pas ndeshjes, Verrati për mikrofonat e “Rai Sport” u shpreh mjaft i lumtur për fitoren dhe foli për konkurrencën tek “azzurrët”.
Debutimi: “Jam shumë i lumtur. Ishte e vështirë, në fillim as nuk e dija nëse mund të merrja pjesë në këtë kampionat evropian, duhet të falënderoj stafin e PSG-së që më lejoi të rikuperohesha. Jam i lumtur për veten dhe skuadrën”.
Konkurrenca: “Ekipi kombëtar i përket të gjithëve, sot ata që kanë luajtur kanë treguar se janë titullarë. Duhet të jemi krenarë që përfaqësojmë ekipin kombëtar. Në klub është ndryshe, është më e vështirë ta pranosh, këtu është vetëm kënaqësi të veshësh fanellën dhe të marrësh pjesë në këto gara”.
Epërsia: “Çdo ndeshje është e vështirë, ata të gjithë janë lojtarë të shkëlqyeshëm që japin shpirtrat e tyre në çdo ndeshje. Një avantazh ky, por nëse mendojmë se jemi më të fortët do të jetë e vështirë “.
Uembli: “Edhe Olimpiko na dha emocione të mëdha, prania e tifozëve është fantastike. Ne duhet të mendojmë nga ndeshja në ndeshje, qëllimi ynë i parë ishte kualifikimi, tani do të mendojmë për raundin e 1/16-ve”.
