Chelsea ka arritur të marrë një fitore jetike në një përballje direkte për zonën Champions ndaj West Ham në transfertë. Ekipi i drejtuar nga Tomas Tuchel fitoi minimalisht 0-1 me një gol të Timo Werner në fundin e pjesës së parë.
Sfida nisi e dominuar nga Chelsea, që e rriti nivelin e lojës derisa në minutën e 43’ gjeti golin e avantazhin. Pas një pasimi perfekt të Chilwell, ishte Timo Werner që u gjend i vetëm në zonë dhe çoi topin në rrjetë.
Pjesa e dytë ishte më e ekuilibruar, me vendasit që krijuan disa raste për shënim, por portieri Mendy e ruajti portën të paprekur deri në fund. Balbuena doli me karton të kuq pas një ndërhyrje ndaj Chilwell në minutën e 81’. Chelsea administroi mjaft mirë deri në fund dhe çdo gjë u mbyll 0-1. Fitore që i çon Blutë në 3 pikë diferencë tashmë nga West Ham dhe 4 pikë nga Liverpooli.