Çështja e trukimeve që do të shqyrtohet tani në KAS pritet që të zbardhë shumë pikëpyetje të Skënderbeut për mënyrën sesi do të bëhen përgatitjet e sezonit të ardhshëm, por edhe për të ardhmen e disa lojtarëve që janë në mbarim të kontratës me bardhekuqtë.
Klubi tashmë ka për qëllim që menjëherë sapo të dalë vendimi i KAS-it për pjesëmarrjen e mundshme në Europë të fillojë menjëherë rinovimet e kontratave me lojtarët. I pari në listë pa dyshim që është Sabjen Lilaj, mesfushori që ka zhvilluar sezone të shkëlqyera me bardhekuqtë. Skënderbeu është gati të ofrojë për Lilajn rinovim kontrate edhe për një vit me klauzolë që nëse do të ketë ofertë nga jashtë, lojtari nuk do të pengohet nëse ai është i bindur se është sistemimi i duhur për të.
Kjo pritet që të sigurojë për Skënderbeun blindimin e një lojtari tepër të rëndësishëm. Pas Lilajt do të jetë radha e lojtarëve të tjerë që janë pa kontratë me klubin, si Osmani, Radas apo edhe Mici që të flasin për të ardhmen si pjesë e Skënderbeut.