Dani Alvesh luajti gjatë sezonit te 2016-2017, te Juventusi, ku tregoi paraqitje të shkëlqyera, por në fund të sezonit vendosi të largohej, duke i surprizuar të gjithë.
Nëpërmjet një postimi në profilin e tij në “Instagram”, braziliani ka zbuluar edhe arsyen e largimit nga kampionët e Italisë. 37-vjeçari ka zbuluar se kur u transferua te Juventusi i kishin premtuar se do të ndryshonin mënyrën e të luajturit, por nuk ndodhi kështu.
“Më thanë se dëshironin të ndryshonin mënyrën dhe stilin e lojës në futboll, por kjo nuk ndodhi. Kjo ishte arsyeja e largimit”, shkruan Alvesh në profilin e tij.
Tashmë mbrojtësi i djathtë vazhdon karrierën në Brazil, ku është pjesë e skuadrës së Sao Paulo.