Adrien Rabiot është një nga lojtarët më të aktivizuar tek Juventus-i i Andrea Pirlo-s, plot 2.796 minuta lojë mes Serisë A, Champions League, Kupës së Italisë dhe Superkupës së Italisë.
Një besim i madh që nuk është shpërblyer nga paraqitje të mira, sepse francezi nuk ka bindur kurrë plotësisht.
Për Juventus-in nuk është i paprekshëm, si për arsye që kanë lidhje me fushën, ashtu edhe për arsye ekonomike.
Ish-ylli i PSG-së paguhet 7 milionë euro në vit, për më shumë bardhezinjtë mund të fitojnë nga shitja e tij një suficit të konsiderueshëm, duke parë se e kanë marrë me kosto zero.
Mamaja-menaxhere Veronique ka nisur punën, duke kontaktuar klube të ndryshëm. Sipas Calciomercato.com, për Rabiot nuk interesohet vetëm Barcelona, por edhe Chelsea.
Juventus e ka fiksuar çmimin e kartonit në 20 milionë euro.
