Ish-futbollisti i Milanit dhe Barcelonës, Kevin Prince Boateng ka vendosur të ndryshojë jetën e tij, teksa puna e tij e re do të jetë komentimi i ndeshjeve të Kampionatit Europian i cili do të luhet gjatë verës.
Lajmin e bëri të ditur vetë sulmuesi ganez, i cili u shpreh mjaft i emocionuar për eksperiencën e tij të re dhe se po e pret me padurim. Boateng ka nënshkruar kontratë me gjigandin gjerman “Sportschau”, ku do të jetë pjesë e stafit të televizionit që do të komentojnë ndeshjet.
“Zyrtare! Mezi po pres të filloj këtë eksperiencë të mrekullueshme për tu bërë ekspert futbolli. ‘Sportschau’ le ta bëjmë speciale, por para së gjithash dua të ndihmoj Monzën të ngjitet në Serinë A”, ishin fjalët e Boateng.
Aktualisht sulmuesi 34 vjeçar luan si sulmues për skuadrës e Monzës në Serinë B, teksa janë afër ngjitjes në Serinë A për sezonin tjetër.
