Futboll

Dy gjermanë mund të zëvendësojnë Unai Emery tek Paris SG

Antonio Conte dhe Luis Enrique kanë qenë emrat e përfolur për të marrë postin e trajnerit tek Paris Saint-Germain, por të premten prestigjozja “L’Equipe” njoftoi, se janë shtuar dy kandidatë të rinj për të zëvendësuar Unai Emery.

Dy gjermanët Tuchel dhe Low kanë tërhequr interesin e drejtuesve të nënkampionëve të Francës. Pas dështimit në Champions League, ish-trajneri i Sevilla, pritet të shkarkohet nga presidenti Nasser Al Khelaifi. Numri një i kryesuesve të Ligue 1 ka qenë kohët e fundit në Katar për të biseduar me investitorët.

“L’Equipe” shkruan, se Thomas Tuchel dhe Joachim Low janë kandidatët e preferuar për të zëvendësuar Emery që nuk e ka bindur presidentin e klubit francez. Ish-trajneri i Borussia Dortmund, Tuchel është larguar nga puna që nga maji i vitit 2017 dhe është i lidhur ngushtë me një lëvizje në Bayern Munich, megjithatë mediat në Gjermani raportojnë, se ai nuk preferohet nga senatorët e bavarezëve.

Ndërkohë Low është një opsion interesant, por duket shumë e vështirë, që ai të largohet nga kombëtarja gjermane pas Kupës së Botës. Edhe Low është lidhur me Bayern, por dëshira e tij është të vazhdojë me Gjermaninë. /EDS/

Related posts

LOJTAR LUKSI PËR SUPERIOREN/ Valdet RAMA vendos të ardhmen

bora.autor

Javier Zaneti: Icardi bëri gjithçka për të qenë në Kupën e Botës

Sadik.Autor

Kur Ibra duket shumë ‘i vogël’ (Foto)

Sadik.Autor

Leave a Comment