Nderim Nexhipi pas një karriere të gjatë futbollistike, tashmë punon si drejtor sportiv tek skuadra e Kukësit.
Në karrierën e tij ka luajtur për skuadra mjaft të njohura si Herta e Berlinit, Volfsburg, Qarabag, Shkëndija e Tetovës dhe Partizani. Në rolin e mesfushorit sulmues, Nexhipi shpesh bëhej protagonist teksa nuk mungonin dhe golat fantastike nga ana e 36 vjeçarit.
Nexhipi ka zgjedhur golin më të bukur në karrierën e tij, të cilin e cilëson atë të shënuar 15 vite më parë kur ishte pjesë e skuadrës se Rabotnickit. Një silurë e shënuar nga një distancë prej afro 40 metrash në sfidën ndaj Debrcenit e vlefshme për turin e tretë kualifikues për në Ligën e Kampionëve.
