Ish-presidenti i Palermo-s, Maurizio Zamparini, ka folur për presidentin e Napoli-t, De Laurentiis, Paulo Dybala dhe Super League në një intervistë të dhënë për Radio Kiss Kiss.
Në lidhje me Super League: “Jam mes atyre që kanë luftuar kundër Giraudo-s dhe Galliani-t, të cilët donin të ishin pjesë e Champions League vetëm për historinë dhe traditën e tyre”, ka kujtuar ish-numri një i Palermo-s.
“Futbolli nuk funksionon kështu. Financat kanë fituar, nuk është mirë. Super League është një budallallëk që do të bjerë ndesh me vlerat e sportit. Këta Presidentë janë një kope idiotësh. Po, edhe Agnelli. Nuk e dinë se çfarë është sporti, janë budallenj dhe nuk kanë zgjuarsinë për ta kuptuar”.
Për Dybala dhe De Laurentiis: “Më duheshin para. Më ofroi 30 milionë euro plus Jorginho-n, kam qenë budalla që kam refuzuar. Aurelio nuk këmbënguli më shumë për ta marrë”.