Jurgen Kloop ka analizuar situatën me të cilën ekipi i tij arrin në ndeshjen e dytë çerekfinale të Ligës së Kampionëve kundër Real Madridit.
Disavantazhi – “Kur e nis nga 3-1, duket sikur nuk ke shumë për të humbur, kështu që ne do të përpiqemi. Rezultati tregoi se ata ishin më të mirë se ne, por ishte vetëm gjysma e punës. Duhet të krijojmë atmosferën tonë. Mospasja e tifozëve është thjesht një problem i shtuar”.
Përmbysja – “Po luaja disa vite më parë me Dortmund, kemi humbur 3-0 në ndeshjen e parë. Gazetarët më pyetën nëse kishte mbaruar dhe unë thashë ndoshta, se çfarë mund të bënim. Në ndeshjen e dytë fituam 2-0, por më e rëndësishme është performanca. Duhet të përpiqemi ta fitojmë ndeshjen e nesërme. Pas kësaj, do të shohim. Nuk kemi asgjë për të humbur. Nuk mund t’i marrim përmbysjet si të mirëqena, veçanërisht pa tifozët në tribuna”.
Golat e pësuar në ndeshjen e parë – “Goli i parë i Real Madridit ishte një pasim i gjatë i shkëlqyeshëm. Në dy golat e tjerë nuk u mbrojtëm mjaftueshëm mirë. Duhet të ndryshpjmë shumë gjëra për mirë, nesër”.
Inferioriteti fizik teorik i Real Madridit – “Ata kanë një sezon intensiv dhe me dëmtime, por mos harroni se edhe ne jemi në të njëjtat ujëra. Tani është pjesa vendimtare e sezonit dhe jam i sigurt se Real Madridi do të jetë 100% gati, jo si u ndje menjëherë pas ndeshjes me Barçën”.
Asgjë për të humbur – “Ne tashmë e dimë që nuk është një sezon i shkëlqyeshëm. Me një rezultat 3-1 duket se tashmë jemi jashtë Champions-it dhe se nuk kemi asgjë për të humbur, por do të provojmë. Kundërshtari në ndeshjen e parë ishte më i mirë se ne, por ishte vetëm gjysma e punës. Nesër duhet të jemi në një nivel të lartë për të pasur ndonjë shans kualifikimi”.
Niveli i Vinicius – “Më bëri shumë përshtypje, nuk më befasoi. Ai është një talent i pabesueshëm”.
Niveli i Kroos – “Ai ishte një lojtar i shkëlqyeshëm qysh në moshë shumë të re. Tashmë është bërë një nga futbollistët më të suksesshëm në botë. Nuk është akoma shumë i vjetër, ka ende shumë për t’i dhënë futbollit. Nuk e njohim njëri-tjetrin shumë mirë, por e kam admiruar për vite me radhë. Ai është i aftë të ndryshojë lojën nga zona shumë të thella të fushës dhe kur të arrijë majën, gjithashtu ka një sy të mirë me topin”.