Mesfushori shqiptar, Kastriot Imeri është vlerësuar me çmimin “Futbollisti i javës” në kampionatin zviceran të futbollit.
Imeri u bë protagonist me ekipin e tij Servete, teksa në vetëm dy minuta i aktivizuar në fushën e lojës arriti të shënojë një super gol nga distanca duke i dhënë ekipit të tij fitoren ndaj skuadrës së Zyrihut.
Emri i Imerit është përfolur shumë për një afrim në Kombëtaren Shqiptare, por nuk ka pasur një sinjal konkret, teksa mesfushori ka luajtur dhe për ekipin e 21 vjeçarëve të Zvicrës.
