Sulmi i ashpër i Lukas Podolski-t ndaj Christoph Metzelder.
Ish-mbrojtësi i kombëtares së Gjermanisë është dënuar me dhjetë muaj në liri me kusht për zotërim dhe shpërndarje të materliave pedopornografike.
“I kam marrë imazhet me screenshot nga faqet e internetit. Do ta pranoj dënimin dhe u kërkoj falje viktimave të dhunës seksuale. Do të duhet të jetoj me këtë ndjenjë faji për gjithë jetën time”, ka qenë pohimi iish-mbrojtësit.
Megjithatë, Podolski, ish-shoku i tij i skuadrës në kombëtare, nuk është dakord:
“Duhej të kishte marrë një dënim më të ashpër. Edhe një rrëfim i pjesshëm nuk duhej të ishte një lehtësim kur bëhet fjalë për pronografi fëmijësh”, ka thënë Podolski.
“Kush bën mëkat ndaj fëmijëve, duhet ndëshkuar me ashpërsinë më të madhe të mundshme të parashikuar nga ligji. Ky dënim nuk është i drejtë për shkeljen e bërë. Është e neveritshme”.
