Herri Kejn mungoi në stërvitjen e së premtes dhe po lufton me kohën për të mos munguar në finalen e Kupës së Ligës kundër Sitit nesër në “Uembli”.
Sulmuesi, i cili vuan një dëmtim në kavilje, flet për herë të parë edhe për shkarkimin e Zhoze Murinjos të hënën. Gjatë një interviste për “Sky Sports”, ai tha se e zbuloi atë vetëm 5 minuta përpara se të njoftohej zyrtarisht dhe ishte i surprizuar: “Do jem 100% i sinqertë.
Unë u surprizova nga lajmi. Erdha në qendrën stërvitore atë ditë dhe e zbulova pas 5-10 minutash përpara se të komunikohej. Unë kisha një marrëdhënie të shkëlqyer me Murinjon. I uroj gjithë të mirat në të ardhmen. Tani kemi një finale për të përgatitur”.
