Toto Wolff do të vijojë detyrën e drejtorit sportiv të Mercedes edhe vitin e ardhshëm. Ka qenë vetë austriaku ai që ka deklaruar se do të vijojë të bashkëpunojë me makinën gjermane edhe sezonin e ardhshëm të Formula 1.
“Do të jem këtu edhe vitin tjetër”, tha Wolff, të cilit i skadonte kontrata në fund të këtij sezoni. “Do të kem edhe një ndihmës pranë meje, që do të më zëvendësojë në këtë detyrë pasi të largohem”, tha më tej Toto Wolff.
Tashmë pritet edhe përgjigjja që do të japë Lewis Hamilton, që gjithashtu i skadon kontrata me Mercedes në fund të këtij viti. Piloti britanik mund të shpallet kampion bote në garën e radhës, në Turqi dhe më pas të vendosë për të ardhmen e tij.
