Chelsea është në finalen e Champions League.
Fitorja kundër Real Madrid në gjysmëfinale ka ndezur entuziazmin e londinezëve dhe ka frikësuar pak super fuqitë e tjera të futbollit anglez.
Ky është mendimi i Rio Ferdinand, ish-mbrojtës i Manchester United dhe i Anglisë.
“A i keni parë statistikat e Chelsea-t pas ardhjes së Tuchel?”, ka thënë Ferdinan në kanalin e tij në Youtube.
“Askush nuk ka bërë më mirë se blutë qëkur ka ardhur trajneri i ri. Mendoj se do të fitojnë Premier League sezonin e ardhshëm. Nga momenti që ka ardhur Tuchel, ata kryesojnë në çdo kategori: gola të pësuar, raste të krijuara”, ka shtuar Ferdinand.
“Besoj se Tuchel meriton vetëm duartrokitje për punën që ka bërë. Është e pabesueshme”.
