Mbrojtësi i Kombëtares, Elseid Hysaj me shumë mundësi nuk do ta vazhdojë karrierën e tij futbollistike tek Napoli teksa disa skuadra janë vënë në ndjekje te shkodranit.
Gazeta spanjolle “Mundo Deportivo” ka shkruar ditën e sotme se skuadra e La Liga-s, Real Betis është vënë pas Hysajt duke e parë si alternativë të parë për krahun e djathtë.
Braziliani Emerson Rojal që luan aktualisht te Betis në rolin e mbrojtësit ka zyrtarizuar kthimin e tij tek Barcelona e cila ka në pronësi kartonin e 22 vjeçarit.
Për këtë arsye Betis po kërkon një lojtarë me eksperiencë në atë krah dhe Hysaj ka profilin e duhur nisur dhe nga fakti që shkodrani do të transferohej me parametra zero në rast kalimi tek skuadra spanjolle.
Mbetet për tu parë ende e ardhmja e mbrojtësit kuqezi pasi 3 skuadra të tjera janë ne garë për Hysajn, Fiorentina e Gatuzos, Lacio e Igli Tares dhe Benfika në Portugali.