Ajaksi fitoi klasiken e Holandës duke mposhtur Fejnordin ne transfertë 0-3 në ndeshjen e vlefshme për javën e 32 të Eredivises.
Edhe pse janë shpallur matematikisht kampionë, kryeqytetasit nuk falën teksa ishte një ndeshje mes tensioni ku u dhanë dy kartonë të kuq.
Në minutën e 21-të ishte Senesi i cili shkaktoi autogol duke i dhënë epërsinë skuadrës së Ajaksit. 4 minuta më vonë VAR-i i anulon një gol Fejnordit për pozicion jashtë loje. Në minutat shtesë të pjesës së parë mesfushori miqve Alvarez largohet nga fusha me karton të kuq për një faull në zonë duke shkaktuar penallti.
Nga pika e 11-metërshit ishte mesfushori Fer i cili nuk mundi të realizont teksa në pjesën e dytë ishte Haps për t’i dhënë Ajaksit epërsinë e dyfishtë.
Në minutën e 79-të të takimit, Kudus vulosi shifrat në 0-3 pas një asisti të kapitenit Dushan Tadiç. Ndërkohë Ajaksi kryeson kampionatin në kuotën e 82 pikëve, ndërsa Fejnordi renditet në vendin e 5-të në kuotën e 55 pikëve.