Vllaznia në futboll për femra, tashmë edhe zyrtarisht është kampione re Shqipërisë për sezonin aktual 2020-2021.
Ndonëse duhen edhe 3 javë nga fundi i kampionatit, shkodranet kanë siguruar ditën e sotme matematikisht titullin kampion.
Ky është titulli i tetë radhazi për vajzat shkodrane, që bëjnë “ligjin” në Shqipëri. Diferenca me Aploninë e vendit të dytë tashmë është 10 pikë dhe kjo ka bërë që sot Vllaznia e femrave të shpallet zyrtarisht kampione në vend.
Vajzat shkodrane shkatërruan me rezultatin 11-0 Partizanin e femrave ditën e sotme, me Megi Doçin që shënoi 4 gola, ndërkohë Lufo shënoi dopietë, Dizdari shkaktoi autogol, ndërsa golat e të tjerë u shënuan nga Curraj, Rrahmani, Levenaj dhe Gjini.
