Eden Hazard kriset sërish. Nuk dihet ende shkalla e dëmtimit të tij, por e sigurt është që nuk do të jetë gati për ndeshjen e sotme kundër Vijarealit.
Sulmuesi belg prej disa ditësh nuk është stërvitur me grupin dhe për këtë arsye, trajneri Zinedin Zidan nuk ka ndërmend që ta rrezikojë.
Kujtojmë që Belgjika e ka përfshirë në listë për kampionatin europian, pavarësisht se ai ka pasur probleme të shumta fizike dhe kurrë nuk ka qenë në 100% të formës së tij.
Lajmi i mirë për ndeshjen e fundit të madrilenëve është rikthimi i Serxho Ramosit. Edhe Rafael Varan do të jetë me skuadrën për këto 90 minuta vendimtare të titullit.
