Në Itali ka kohë që flitet për një ulje të numrit të skuadrave nga 20 në 18 dhe për këtë çështje ka folur sot dhe presidenti i Serisë A, Paolo del Pino, i cili u shpreh se po punohet shumë në këtë aspekt dhe shumë shpejt mund të ketë një vendim final.
“Reduktimi i Serie A në 18 ekipe është një temë që është diskutuar për një kohë të gjatë, shumë e dashur për klube të ndryshme dhe gjithashtu dhe për federatën.
E gjithë kjo fillon nga supozimi themelor, sistemi i ndeshjeve. Nga viti 2024 ne do të kemi një kampionat të ri me më shumë ndeshje. Ne tashmë kemi ndryshuar formatin e Kupës së Italisë për të zvogëluar angazhimet sepse lojtarët nuk janë makina.
Duhet të ndërtojmë diçka që është funksionale në lidhje me sistemin e përgjithshëm. Jemi në diskutime të avancuara me klubet tona dhe kjo temë shumë shpejt do të marrë zgjidhje në zyrat e federatës”.