Një ngjarje e rëndë ka ndodhur në Angli, ku në qendër është një ndër lojtarët e Arsenalit. Mbrojtësi i “topçinjve” Gabriel u sulmua nga disa banditë.
Një video që ka qarkulluar lidhur me këtë ngjarje po bën bujë në të gjitha mediat. Në të duket një person me maskë dhe me një shkop bejsbolli. Banditi i kërkoi çelësat e makinës Gabrielit, së bashku me telefonin dhe orën e dorës.
Në atë moment mbrojtësi ka rezistuar dhe pas një përleshje arriti që të dilte nga situata e vështirë. Banditi u largua me vrap.
Trajneri i Arsenalit, Mikel Arteta, përgëzoi lojtarin e tij: “Gabi tregoi karakter dhe e përgëzoj për atë që bëri. Klubi po e mbështet që ai ta kalojë sa më mirë këtë incident”.
