Nëpërmjet një postimi në “Instagram”, Mario Manzukiç i ka dhënë lamtumirë Milanit pas vetëm gjysmë sezoni me kuqezinjtë.
“Ishte kënaqësi të luaja për këtë klub të madh, i lumtur për rikthimin në Ligën e Kampionëve”, shkruan Manzukiç.
Sulmuesi kroat u afrua në merkaton e dimrit nga skuadra e Milanit, teksa u pa si zëvendësuesi ideal i Zlatan Ibrahimoviç, por nuk mundi të bëhët dot protagonist duke luajtur vetëm 10 ndeshjes dhe duke mos realizuar asnjë gol me fanellën e “djajve”. Sulmuesi 35 vjeçar largohet në formën e agjentit të lirë dhe nuk dihet ende e ardhmja e tij.
