Roma rikthehet tek fitorja pas 4 ndeshjesh duke triumfuar në “Olimpico” me “manita” me rezultatin 5-0 ndaj skuadrës së Krotones.
Skuadra verdhekuqe i ka realizuar të pestë golat në fraksionin e dytë të lojës, me Mikitarjan, një dopietë të Borha Majoral dhe një dopietë të Lorenco Pelegrinit.
Vlen të theksohet se Marash Kumbulla është aktivizuar përgjatë gjithë 90 minutëshit.
Skuadra kryeqytetase me këtë sukses renditet në vendin e 7 në kuotën e 58 pikëve, ndërsa Krotone me Serinë B të siguruar matematikisht klasifikohet në vendin e fundit në kuotën e 18 pikëve.