Pas një sezoni shumë të luftuar dhe të shkëlqyer, Vllaznia dhe Laçi do të luajnë ditën e sotme ndeshjen e fundit të kampionatit.
Duke filluar nga ora 17:00, në “Loro Boriçi” do të zbresin dy ekipe që kanë rivalizuar për titullin dhe sot do të kërkojnë me çdo kusht fitoren për të shpresuar më pas në një ndalesë e Teutës ndaj Apolonisë.
Vllaznia e ka fituar një trofe moralisht, kjo për shkak të 16 ndryshimeve verën e kaluar, me një staf të ri dhe drejtues të rinj dhe përsëri sot janë në luftë për titullin kampion.
Laçi ka shanse minimale për titull, por fakti që janë ende në garë deri në javën e fundit, duhet t’i bëjë ata krenarë për këtë sezon. Për sa i përket formacioneve, të dy trajnerët nuk janë kursyer, duke hedhur në fushë më të mirët.
LIVE/ Vllaznia – Laçi 2-0
Marku 25′ (p)
KOMENTI LIVE:
Mbyllet pjesa e parë!
45+1′ Rasti i artë për Vllazninë, me Demir Imerin, pas krosimit të Isaevskit, mesfushori i skuadrës shkodrane nuk arrin të shënojë me kokë brenda zonës.
45′ Akordohet 1 minutë shtesë.
41′ Laçi pretendon për penallti. Sipas kurbinasve, Eni Imami preku topin me dorë brenda zonës, por për gjyqtarin Meta, nuk kemi të bëjmë me penallti.
25′ GOOOOL VLLAZNIA 1-0/ Zhbllokohet sfida! Herald Marku shënon nga pika e bardhë e penalltisë!
24′ Penallti për Vllazninë, pas ndërhyrje së gabuar ndaj Isaevskit, nga ana e Zylfiut. Protestojnë kurbinasit, por për gjyqtarin Meta kemi të bëjmë me penallti. Futbollisti i Laçit ndëshkohet me karton të verdhë.
7′ Tjetër shans për Vllazninë. Fjoart Jonuzi kërkoi golin e ish-it me një gjuajtje të rrezikshme nga distanca, por tentativa e tij shkon jashtë kuadrat.
2′ Rast i i artë për Vllazninë, pas gabimit të Salit, por nuk përfiton aty Demir Imeri që sfumon një mundësi të shkëlqyer.
1′ Starton sfida!
