Humbja në ndeshjen e katërt çerekfinale play off ndaj Phoenix nuk është lajmi më i keq për Lakers (barazim 2-2 me ndeshje). Në këtë takim u dëmtua Anthony Davis, që nuk luajti në pjesën e dytë. Kjo mungesë në parket ndikoi më pas në humbjen e ekipit kalifornian, që rrezikon të mos ketë shtatlartin edhe në takimin e radhës.
Davis u dëmtua në pjesën e sipërme të kofshës së majtë dhe, sipas stafit mjekësor, është në dyshim. Gjendja e tij do të monitorohet ditë pas dite dhe më pas do të vendoset nëse do të luajë apo jo. Ka gjasa që ai të mos luajë pas 48 orësh, në takimin e radhës në Phoenix, për t’u rikuperuar 100% për sfidën e gjashtë.
