Në ceremoninë ndarjes së çmimeve për futbollistët më të mirë të sezonit, Romelu Lukaku u shpall lojtari më i mirë i Serisë A për vitin 2020/21.
Sulmuesi belg mposhti konkurrencën e Kristiano Ronaldo që u shpall golashënuesi i sezonit, teksa me 24 golat e realizuar dhe 11 asistet e tij ndihmoi Interin të rikthehej tek titulli kampion pas 11 vitesh.
Në vitin e tij të dytë tek Interi, Lukaku bëri mjaft mirë duke marrë menjëherë rolin e liderit. Jo vetëm në sulm, por 28 vjeçari ndihmonte ekipin shpesh edhe mbrapa.
Belgu u kritikua shumë për dy sezonet jo të mira që zhvilloi me Mançester Junajtid, por tek Interi ka gjetur formën e tij më të mirë duke fituar dhe çmimin më të rëndësishëm në Serinë A, që sezonin e kaluar e fitoi Paolo Dibala.
🌟MVP 2020/2021🌟
Migliore in assoluto: @RomeluLukaku9 ! 🔝Strapotere atletico, tecnica superiore e assoluto trascinatore. I numeri della sua stagione sono straordinari: 24 gol e 11 assist! https://t.co/oNZ4nupzZV#SerieATIM #WeAreCalcio pic.twitter.com/wsnnNCt4fd
— Lega Serie A (@SerieA) May 31, 2021