E paralajmëroi “Panorama Sport” ditën e shtunë dhe ashtu ndodhi, lojtarët e Kukësit nuk dalin në stërvitje me skuadrën.
Shkak për këtë janë bërë rrogat e pa marra prej disa muajsh. Gazeta mëson se lojtarët kanë pritur të shlyen ditën e sotme deri në 14:30, por pasi kjo nuk ka ndodhur, kanë vendosur të gjithë unanimisht të mos dalin në stërvitje.
Një situatë e përsëritur te Kukësi i këtij sezoni, me futbollistët që janë të pakënaqur për shkak të mosmarrjes në kohën e duhur të pagave. Madje, mësohet se një ditë para sfidës ndaj korçarëve, ditën e enjte, ka pasur edhe lojtarë që nuk kanë dashur të udhëtojnë fare për të luajtur ndaj Skënderbeut.
Kujtojmë se Kukësi e luan ndeshjen e fundit të kampionatit me Kastriotin ditën e mërkurë në stadiumin “Air Albania”.