Ish-mbrojtësi i Kombëtares, Debatik Curri është pezulluar me dy ndeshje nga Komisioni i Disiplinës në Kosovë pasi ka përdorur tone fyese ndaj gjyqtarin të katërt në sfidën Prishtina-Feronikeli.
Curri aktualisht punon si ndihmës trajner tek skuadra kryeqytetase pas mbylljes të karrierës si futbollist profesionist. Vendimi është marrë nga komisioni i disiplinës në federatë dhe ish-mbrojtësi do të mungojë në stolin e Prishtinës në dy ndeshjet e ardhshme.
Vendimi për Debatik Currin
“Ndihmëstrajneri i FC Prishtina, Debatik Curri, me nr ID 00624M83. Në minutën e 78-të ka fyer asistentin e parë dhe të katërt të ndeshjes, për çka ishte ndëshkuar me karton të kuq direkt. Sipas raporteve të zyrtarëve të ndeshjes së xhiros së 34-t të Superligës Prishtina – Feronikeli. Bazuar në nenin 39 paragrafi 3 të Rregullores disiplinore:
DËNOHET me ndalesë në kryerjen e funksionit për 2 (dy) ndeshje zyrtare sipas radhës të organizuara nga FFK”.