Pas fitores së Atalantës me rezultatin 2-5 ndaj Beneventos, Berat Gjimshiti ka kryer një paraqitje pozitive.
Sipas faqes së specializuar të statistikave, “Sofa Score” , Gjimshiti është vlerësuar me notën 7,0.
Mbrojtësi i Kombëtares shqiptare luajti përgjatë gjithë 90 minutave dhe kreu 2 herë spastrime në zonë, një herë gjuajtje të bllokuara, një ndërhyrje.
Topin gjithsej e ka prekur 80 herë. Nga 7 duele 5 i ka fituar dhe përqindja e pasimeve të sakta ishte 97%.
Sakaq në mediat italiane, Gjimshiti ka kryer një paraqitje pozitive teksa cilësohet si një bllokadë duke mos lejuar askënd të mos kalojë në zonën e tij.
VLERËSIMI I BERAT GJIMSHITIT NGA MEDIAT ITALIANE –
Berat Gjimshiti; 6,5: (TuttoMercatoWeb.com) – Ndeshje e jashtëzakonshme në fazën difensive, nuk lejon askënd të kalojë. Në krahun e tij është Zhervinjo, por e mban larg portës në të gjitha mënyrat. Shpërdoron dhe një rast për gol me kokë.
Berat Gjimshiti; 6,5: (CalcioMercato.com) – Mbyllje preçize, sidomos me Zhervinon. Kishte dhe një rast për gol, por portieri kundërshtar Sepe e grushton.