Situata te Mançester Junajtid nuk është aspak e qetë në prag të sfidës me Liverpulin, e cila do të luhet ditën e sotme.
Tifozët vazhdojnë të kërkojnë me ngul largimin e familjes amerikane, Glejzër nga klubi i tyre, ku ata janë pronarë. Tifozët e kanë kërkuar prej kohësh këtë gjë, pas pasi klubi firmosi se do të marrë pjesë në Super Ligën Europiane, kjo i irritoi me çdo kusht dashamirësit e “djajve”, të cilët kanë shpërthyer në protesta.
Gjithmonë para ndeshjeve të Junajtidt, tifozët mblidhen jashtë stadiumit dhe banderola e parulla, kërkojnë largimin e familjes Glejzër nga pronësia e klubit. Të njëjtën gjë kanë bërë edhe sot në prag të sfidës me Liverpulin, teksa për këtë është ngritur në këmbë edhe policia e Maçesterit, në mënyrë që të mos ketë ndonjë situatë të pakëndshme.
