Omar Richards është një lojtar i ri i Bayern Munich.
Mbrojtësi anglez ka dhënë deklaratat e tij të para për faqen zyrtare të klubit:
“Është një nder i madh për mua, një ëndërr që kthehet në realitet. Jam krenar që mund të vesh fanellën e një prej klubeve më të mëdha në botë”, ka thënë 23-vjeçari.
“Shpresoj ta ndihmoj skuadrën të arrijë suksese të tjerë në të ardhmen. Falënderoj Bayern për besimin që më kanë dhënë, pres me padurim të zbres në fushë”.
Mbrojtësi është transferuar nga Reading te kampionët e Gjermanisë me kosto zero. Lojtari ka nënshkruar një kontratë deri në vitin 2025 dhe do të mbajë fanellën me numrin 3.
